Xiriirka Kubadda Cagta Soomaaliya ayaa maanta soo saarey isku aadka horyaalka heerka 1-aad ee (Somali National League) xilli ciyaareedka 2024/2025. Wakiilo ka socda kooxaha fasalkaan ka qeybgalaya horyaalka ayaa soo xaadiray shirkaas iyadoo waaxda tartamada ay agaasimeen hanaanka isku aadka. kooxaha Gasco & Madbacadda ayaa ku cusub horyaalka xilli ciyaareedkaan halka kooxihii hore Saxafi & Midnimo ay ka maqan yahiin maadaama ay u laabteen horyaalkii heerka labaad. Sidoo kale kooxda Horyaalka waxaa difaacanaya kooxda Dekeddaha oo sanadkii hore ku guuleysatey iyadoo aan laga adkaan hal kulan oo kor u qaaday koobka. Madaxweynaha Xiriirka Kubadda Cagta Soomaaliya Mudane Cali Cabdi Maxamed ayaa goobjoog ahaa iyadoo ay wehliyaan ku xigeenkiisa C/rashiid Cabdulle Maxamed & Xoghayaha guud Dr. Yuusuf Muxiyadiin Axmed. Madaxda Xiriirka & waaxda tartamadaba waxey faah-faahin dheeri ah siiyeen wakiilada ka socday kooxaha. Kulanka furitaanka ee ugu horeeya horyaalka kooxaha heerka koowaad ee Somali National League xilli ciyaareedka 2024/2025 ayaa waxaa u rasmi u furmi doonaa 30-ka bishaan November, waxaan kulankaas lagu furi doonaa kooxaha Raadsan SC & Heegan SC. Xili cayaareenkaan waa markii ugu horreysay ee la isticmaali doono barnaamijyada (Club License Online Platform) & FIFA Connect. Waa xilli ciyaareedkii labaad oo uu horyaalka Somali National League taabagalineyo Bangiga IBS kaas oo heshiis shan sano ah la galay xiriirka kubadda cagta.

Wixi warar ah ee ku saabskan kubada cagta waxaad kala socon kartaa halkaan maalin kasta iyo saacad kasta. https://www.footbool.net/ ama waxaad kaloo kala socon kartaan facebook bagekeen oo aan maalinkasta soo dhigno wixii warar ah ee ku saabsan kubbadda cagta. https://www.facebook.com/