Real Madrid ayaa kaga hormartay Manchester United tartanka loogu jiro saxiixa daafaca Everton Jarrad Branthwaite 2025. (GIVEMESPORT).

Man Utd uma badna inay keento xidiga khadka dhexe ee xorta ah Adrien Rabiot sababo la xiriira mushaarkiisa oo aad u badan. (Insider Kubadda Cagta)

Joshua Kimmich ayaa ku dhow inuu heshiis cusub ka saxiixo Bayern Munich iyadoo horey si weyn loola xiriirinayay inuu u dhaqaaqayo Barcelona iyo PSG. (Fichajes - Spain)

Chelsea ayaa la dhacsan qaab ciyaareedka Raphinha, laakiin Barcelona hadda ma rabto inay iibiso xiddiga garabka ka ciyaara. (El Nacional – Spain)

Brentford ayaa 40 milyan ginni ku xayirtay xiddiga weerarka uga ciyaara ee Bryan Mbeumo kaas oo ay doonayaan kooxaha Arsenal iyo Liverpool. (Insider Kubadda Cagta)

Mikel Arteta ayaa la dhacsan xiddiga Real Madrid ee Aurelien Tchouameni waxana uu u balan qaaday in uu ka dhigi doono xiddig muhiim ah si uu ugu soo jiido Arsenal. (Defensa Central - Spain)

Manchester City ayaa isku dayi doonta in ay keensato weeraryahan inta lagu jiro suuqa January si ay badal uga dhigto Julian Alvarez. (Insider Kubadda Cagta)

Liverpool ayaa sidoo kale wadahadalo la yeelatay Tchouameni iyo saaxiibkiis Rodrygo intii lagu jiray xagaaga, laakiin waxaa lagu wargeliyay in midkoodna uusan ka tagi doonin Santiago Bernabeu. (TBR Kubadda Cagta)

Real Madrid ayaa loo gacan galiyay fursadii ay ku soo qaadanayso Fabian Ruiz kaas oo doonaya in uu isaga tago PSG kadib markii ay isku dhaceen Luis Enrique. (OK Diario - Spain)

PSG ayaa iyadana raadineyso Fermin Lopez oo ka tirsan Barcelona, ​​halka Jules Kounde uu sidoo kale isha ku hayo kooxda heysata horyaalka Faransiiska. (El Nacional – Spain)

Newcastle United iyo Tottenham Hotspur ayaa labaduba muujiyay xiisaha ay u qabaan xiddiga garabka uga ciyaara Barcelona Ferran Torres intii lagu jiray suuqan xagaaga. (El Nacional – Spain)

Tottenham ayaa ku mashquulsan soo indha indheynta xiddiga khadka dhexe ee kooxda Torino iyo xulka qaranka Italy ee Samuele Ricci iyaga oo doonayay in ay xoojiyaan dhexda garoonka. (HITC)

AC Milan ayaa soo bandhigtay xiisaha ay u qabto weeraryahanka Aston Villa Jhon Duran ka hor inta aysan helin Alvaro Morata xagaagan. Duran ayaa sidoo kale xiisaynayey kooxaha Chelsea iyo West Ham United. (Fabrizio Romano)

Wixi warar ah ee ku saabskan kubada cagta waxaad kala socon kartaa halkaan maalin kasta iyo saacad kasta. https://www.footbool.net/ ama waxaad kaloo kala socon kartaan facebook bagekeen oo aan maalinkasta soo dhigno wixii warar ah ee ku saabsan kubbadda cagta. https://www.facebook.com/