Liverpool ayaa xaqiijisay inay heshiis la gaartay goolhayaha Valencia Giorgi Mamardashvili, kaasoo ku biiri doona xagaaga soo aadan. Reds ayaan wali xoojin kooxda Arne Slot xagaagan laakiin taa badalkeeda waxa ay sameeyen in ay dhamaystiraan heshiiska Mamardashvili kaas oo lagu wado in uu noqdo badalka mustaqbalka fog ee xiddiga reer Brazil Alisson.Kadib wadahadalo todobaadyo socday, Liverpool ayaa haatan xaqiijisay inay heshiis la gashay Mamardashvili, kaasoo la sii joogi doona Valencia inta ka dhiman xilli ciyaareedkan ka hor inta uusan u soo dhaqaaqin Anfield 2025. Bayaan ka soo baxay labada kooxood ma sheegin wax amaah ah, taa beddelkeedana waxay ku nuuxnuuxsadeen in Mamardashvili uu si rasmi ah ugu biiri doono Liverpool sannadka soo socda. Wargeyska The Athletic ayaa ku tilmaamayaan heshiiska mid amaah  iyo gadasho igu jira. Alisson ayaa durba taageero weyn siiyay tallaabadaas, isagoo qirtay inuu fahamsan yahay rabitaanka Liverpool ee qorsheynta mustaqbalka.
Mamardashvili, oo 24 jirsaday bisha Sebtembar, ayaa durbaba u saftay Valencia in ka badan 100 kulan, waxaana si weyn loogu ammaanay mid ka mid ah goolhayayaasha ugu da’da yar adduunka. Saamigiisa ayaa la xoojiyay xitaa xagaagan iyadoo la soo bandhigay bandhigyo aad u wanaagsan Georgia ee Euro 2024.

Dhanka kale, Caoimhin Kelleher ayaa weli ah keydka Liverpool ee haatan, inkastoo 25-sano jirkaan uu si cad u qirtay inuu diyaar u yahay inuu ka tago Anfield si uu u raadiyo door bilow ah ka dib sannado badan oo uu ka dambeeyay Alisson.
Kelleher, oo qandaraaskiisu uu dhacayo 2026, ayaa lala xiriiriyay kooxo faro ku tiris ah oo Premier League ah, laakiin weli ma jiro wax xiiso ah oo la taaban karo.

Wixi warar ah ee ku saabskan kubada cagta waxaad kala socon kartaa halkaan maalin kasta iyo saacad kasta. https://www.footbool.net/ ama waxaad kaloo kala socon kartaan facebook bagekeen oo aan maalinkasta soo dhigno wixii warar ah ee ku saabsan kubbadda cagta. https://www.facebook.com/