5. Mohamed Salah Mohamed Salah iyo Premier League furitaanka todobaadkii kowaad waa ciyaar aan la qiyaasi karin wuxuu soo bandhigey. Laacibka reer Masar waligiis kama fogaan gool dhalinta bilowga xili cayaared cusub, waxaana uu mar kale shabaqa soo taabtay iyadoo Liverpool ay ka awood roonaatay kooxda dhawaan soo dalacday ee Ipswich Town. 32-sano jirkaan ayaa kooxda Arne Slot ka caawiyay ugu dambeyntii inay jebiyaan ismari waaga qeybtii labaad, isagoo u dhigay Diogo Jota ka hor inta uusan 2-0 ka dhigin. 4. Kai Havertz Kai Havertz waxa uu ku riyaaqay qeybtii labaad ee cajiibka ah ee xilli ciyaareedkii 2023/24 waxa uuna mar kale ahaa mashiinka isku xirka guushii furitaanka Arsenal ay ka gaartay Wolves. Ciyaaryahanka heerka caalami ee dalka Jarmalka ayaa sii wada inuu isku daro Bukayo Saka iyo Gabriel Martinelli si ay u saameyn u yeeshaan waxaana uu sariirta seexiyay qof walba oo dhaleeceyn jirey isagoo shabaqa ku hubsaday goolkiisi kowaad daqiiqadii 25aad. 3. Kobbie Mainoo Laacibka Manchester United ee Joshua Zirkzee ayaa ku tilmaamay Kobbie Mainoo inuu yahay 'guud' ee khadka dhexe ee kooxdooda baraha bulshada, isagoo soo bandhigay qaab ciyaareedkiisii kulankii Fulham habeenkii Isniinta, way fududahay in la arko sababta. Red Devils waxa ay u baahan tahay in ay soo bandhigto halis weyn oo dhanka gool ah xilli ciyaareedka oo dhan laakiin waxa ay had iyo jeer heli doontaa boos haysasho joogto ah kulamada hadii Mainoo uu sii wato ciyaarta heerkan. 2. Mateo Kovacic Jamaahiirta Manchester City ayaa sida caadiga ah wax yar cabsanaya mar kasta uu xidiga khadka dhexe ee Rodri uu garoomada ka maqnaado, kulankii axada ee Stamford Bridgena waxba kama duwanayn. Si kastaba ha ahaatee, Pep Guardiola ayaa awooday inuu u yeero ciyaaryahankii hore ee khadka dhexe ee Chelsea Mateo Kovacic, kaasoo muujiyay difaac ku filan isagoo qoob ka ciyaarayay daafacyada mucaaradka si fudud si uu u hubiyo in kooxda heysata horyaalka Ingariiska aysan tabin ciyaaryahankooda Spain ee rodri. 1. Bukayo Saka Waxay u noqon kartaa hubaal inuu tababare Arteta is barbar dhigo Lionel Messi, saka laakiin marka Bukayo Saka uu si buuxda u duulo oo uu bilaabo ciyaar maamulida sidii uu sameeyay kulankii Wolves, erayada Mikel Arteta waxay u muuqdaan kuwo si fiican loo caddeeyey. Kooxda Wanderers ayaa shaki la’aan fursad aad u badan siisay xiddiga garabka ka ciyaara intii uu socday tartanka laakiin Saka ayaa ka dhigay in ay ka shaleeyaan isaga oo u dhigay goolka furitaanka ee Havertz ka hor inta uuna dhalin goolka 2-aad ee ciyaarta daqiiqadii 74-aad.
Wixi warar ah ee ku saabskan kubada cagta waxaad kala socon kartaa halkaan maalin kasta iyo saacad kasta. https://www.footbool.net/ ama waxaad kaloo kala socon kartaan facebook bagekeen oo aan maalinkasta soo dhigno wixii warar ah ee ku saabsan kubbadda cagta. https://www.facebook.com/
