Manchester United ayaa isha ku haysa inay u dhaqaaqdo ciyaaryahanka khadka dhexe ee Atalanta Ederson haddii ay awoodi waayaan inay la soo wareegaan xidiga Paris Saint-Germain Manuel Ugarte, warbixin ayaa sidaas sheegtay in Red Devils ay mashquul ku ahayd suuqa kala iibsiga xagaagan waxaana ay durba sameeyeen afar saxiix oo waaweyn kuwaasoo kala ah Joshua Zirkzee, daafaca midig ee Noussair Mazraoui iyo daafacyada dhexe Matthijs de Ligt iyo Leny Yoro ay ku soo biireen kooxda.                     Dareenkooda ayaa hadda u wareegay xoojinta khadka dhexe, waxayna bishii ugu dambeysay isku dayeen inay helaan Ugarte. Si kastaba ha ahaatee, PSG ayaa diiday inay hoos u dhigto qiimihii ay ku doonaysay 51 milyan ginni, waxayna go'aansatay inaysan khasaarin ka dib markii ay lacagtaas ku iibisay xiddiga reer Uruguay ee Sporting CP sanadkii hore.
AS ayaa haatan ku warameysa in United ay miisaameyso u dhaqaaqista Ederson si ay u noqoto dookh kale, inkastoo aysan kali ku aheyn tartanka. Aston Villa ayaa sidoo kale lagu tiriyaa inay xiiseyneyso iyadoo raadineysa bedelka dabiiciga ah ee Douglas Luiz.

Atletico Madrid ayaa sidoo kale soo gali karta tartanka loogu jiro Ederson hadii ay awoodi waayaan in ay dhamaystiraan heshiiska ay kula soo wareegayaan Chelsea Conor Gallagher iyada oo u dhaqaaqistiisa uu wali hawada ku jiro.
Si kastaba ha ahaatee, caqabadda ugu weyn ee United ayaa ah qiimaha Atalanta ee Ederson oo la mid ah lacagtii ay PSG doonayso Ugarte. Red Devils ayaa sidoo kale awoodi wayday in ay iibiso rugcadaa Casemiro si ay boos dheeraad ah ugu hesho xiddig cusub oo khadka dhexe ah, iyadoo halyeeyga uu xilli ciyaareedka la bilaabay Kobbie Mainoo.

Ederson, oo 25 jir noqday bishii hore, ayaa labo jeer u saftay Brazil, waxaana uu qeyb ka ahaa xagaagan Copa America, waxaana uu ka mid ahaa ciyaartoydii ugu fiicneyd Atalanta ee u carartay hanashada Europa League xilli ciyaareedkii hore. Dhawaan ayuu kasoo muuqday kulankii ay guuldarada 2-0 ah ka soo gaartay Real Madrid kulan ka tirsanaa koobka UEFA Super Cup.

Wixi warar ah ee ku saabskan kubada cagta waxaad kala socon kartaa halkaan maalin kasta iyo saacad kasta. https://www.footbool.net/ ama waxaad kaloo kala socon kartaan facebook bagekeen oo aan maalinkasta soo dhigno wixii warar ah ee ku saabsan kubbadda cagta. https://www.facebook.com/