Kooxda kubadda cagta Chelsea ayaa ku dhawaaqday inay la soo wareegtay weeraryahankeeda Marc Guiu oo ka yimid kooxda Barcelona. Marc Guiu ayaa Chelsea kaga soo biiray kooxda Barcelona ee ka dhisan dalka Spain 
kooxda chelsea ayaa bixisey 5 milyan ginni oo lagu burburin karo qandaraaska Guiu ee uu Barcelona kula jirey usbuucii hore, waxaana uu haatan soo gabagaboobey heshiiskii ahaa u dhaqaaqistiisa Stamford Bridge.
Warbixin ay soo saartay kooxda Chelsea ayaa lagu yiri: “Chelsea waxay ku faraxsan tahay inay ku dhawaaqdo saxiixa weeraryahan cusub Marc Guiu oo ka yimid FC Barcelona.“Ciyaaryahanka oo u dhashey dalka Spain waxa uu Blues la gaaray heshiis shan sano ah, oo ay ku jirto hal sano oo dookh ah, wuxuuna kula biiri doonaa saaxiibadiisa cusub ee isku diyaarinta xilli ciyaareedka cusub ee 24/25.
Guiu ayaa u sheegay kanaalka kooxda Chelsea: “Waa farxad aad u weyn inaan u saxiixo kooxda Chelsea, waxaana ku dhibtooday inaan seexdo ka hor safarka halkan, sababtoo ah aad ayaan u faraxsanahay, tan iyo markii aan yaraa, waxay ahayd riyadeyda inaan ka ciyaaro Premier League.
“Hadda waxaan fursad u helay inaan halkan imaado Chelsea, waxaanan ka shaqeyn doonaa sida ugu adag si aan guulo ula gaaro kooxda”.
Guiu oo 18 jir ah ayaa laba gool u dhaliyay Barcelona todobo kulan oo uu u ciyaaray xilli ciyaareedkii hore, waxaana sidoo kale ku biiray Bayern Munich. Barca ayaa ku guuldareysatay inay ku qanciso Guiu inuu sii joogo ka dib markii la furay heshiiskii lagu burburin karayay, Chelsea ayaana ku guuleysatay tartanka saxiixiisa.    Weeraryahan ayaa ugu biiray Blues heshiis 5 milyan ginni ah
Guiu ayaa noqonaya saxiixii seddexaad ee Chelsea xagaagan, ka dib markii ay 19 milyan ginni ku soo iibsadeen Omari Kellyman Aston Villa iyo Tosin Adarabioyo, kaasoo beeca xorta ah kaga soo biiray Fulham.
Chelsea ayaa dhawaan ku dhawaaqi doonta saxiixeeda afraad ee xagaaga, iyadoo ciyaaryahanka khadka dhexe ee Leicester City Kiernan Dewsbury-Hall uu ku dhow yahay inuu soo gabagabeeyo u dhaqaaqista Stamford Bridge.

wixii ku saabsan wararka suuqa kala iibsiga cayaartooyda waxaad kala socon kartaan halkaan maalinkasta wixii ku soo kordha isha ku haay anaa u soo gudbin doono ayaa faahfaahsan.
https://www.footbool.net/  https://www.90min.com/