Tababaraha xulka qaranka France ee Didier Deschamps ayaa shaaca ka qaaday in Kylian Mbappe uu sanka ka jabay looga shakiyay intii ay socotay guushi ay 1-0 kaga badiyeen xulka Austria ciyaar ka tirsaneed Euro 2024 habeenkii isniinta.
Kabtanka Les Bleus Mbappe ayaa door muhiim ah ka ciyaaray goolka kaliya ee ciyaarta, isagoo kubad u soo karoosay Maximilian Wober oo gool madaxa ah ka dhaliyey shabaqiisa, laakiin markii dambe waxay isku dhaceen Kevin Danso, waxaana looga tagay garoonka Dusseldorf Arena oo u baahan daaweyn.
Dhiig badan ayaa ka soo muuqday wejiga weeraryahanka cusub ee Real Madrid ka hor inta aan la siinin kaadhka digniinta ah inuu dib u soo galay garoonka ciyaarta isagoo aan ogolaansho ka haysan garsooraha, ugu dambeyntiina waa la bedelay.
Isagoo la hadlayay warbaahinta cayaarta ka dib, Deschamps wuxuu qirtay in xiddigiisa ay u badan tahay inuu sanka ka jabay.
Wuxuu yiri: “San jabay? Sida muuqata haa. Sankiisu ma qummana haba yaraatee. Waan arki doonaa. Sida iska cad ma fiico caawa. Waa san kaliya, laakiin aad bay noo dhibaysaa."
Xulka France ayaa haatan wajahaysa walaac sugitaan leh si ay u ogaadaan in Mbappe lagu qasbi doono in uu ka fariisto ciyaaraha Euro 2024. In kasta oo laga yaabo in si rasmi ah looga ogaado jabka sanka, xiddigii hore ee Paris Saint-Germain ayaa wali ku ciyaari kara maaskaro xidhan haddii laga nadiifiyo dhaawac kale.
Haddii Mbappe uu garoomada ka maqnaan doono muddo gaaban, Deschamps waxa uu haystaa dhawr dookh oo uu u soo jeedsado maqnaanshihiisa.
Randal Kolo Muani iyo Olivier Giroud ayaa labadoodaba bedel ku soo galay kulankii Austria, halka Antoine Griezmann laga yaabo in la geeyo doorka weerarka haddii loo baahdo. Ciyaartoyda badan oo kale sida Bradley Barcola iyo Kingsley Coman ayaa ahaa bedel aan la isticmaalin habeenkii Isniinta.
Les Bleus ayaa jimcaha la ciyaari Netherlands, kuwaas oo sidoo kale guulo ka soo hooyay kulankoodii furitaanka Euro 2024 iyagoo 2-1 kaga badiyay Poland iyagoo uga mahadcelinaya goolasha Cody Gakpo iyo Wout Weghorst.
wixii warar ah ee ka soo baxa kala socda cayaaraha euro 2024 ee ka socda dalka germany.
https://www.footbool.net/ https://www.90min.com/
