Manchester City ayaa ku guuleysatay horyaalka Premier League 2023/24 cayaartii maanta ka dib markii ay 3-1 ku garaacday West Ham United galabta.
Kooxda difaacaneysa horyaalka ayaan wax calaamado ah ka muuqanin neerfaha xilli hore iyadoo Phil Foden uu laba gool u dhaliyay 20 daqiiqo gudahood. Mohammed Kudus ayaa dhaliyay goolkii kowaad ee kooxda westhamn kaasi oo soo nooleeyey rajadooda ka hor inta uusan Rodri dhalin gool kaasi soo dib ugu soo celiyey labada gool ay hogaanka cayaarta ku haayeen.
Guushii City bartamihii isbuucii hore ka gaartay Tottenham Hotspur ayaa ka dhigtay in ay hogaanka ku qabtaan 2 dhibcood ilaa isbucaan ee Gameweek 38, taasoo ka saartey Arsenal kaalinta koowaad. Gunners ayaa gool looga naxsadey cayaartii galabta ee gurigooda ka dhaceysay ka dib markii uu Everton u dhaliay gool Idrissa Gana Gueye, laakiin waa badbaadiiyey Takehiro Tomiyasu kaas oo barbareeyay, waxaana oga sii darey Kai Havertz isagoo daqiiqadii 89aad dhaliyay goolka guusha. Si kastaba ha ahaatee, kuma filneyn guushaas Arsenal si ay horyaalka oga qaado City oo hogaanka u haysa. Waa horyaalkii tobnaad ee City ay qaado horyaalka Ingiriiska, waana koobkoodii sideedaad ee Premier League, iyagoo sidoo kale noqday kooxdii ugu horeysay ee afar jeer oo xiriir ah ku guuleysata horyaalka. Waxay hadda ku dhameysteen kaalinta ugu sareysa lix ka mid ah todobadii xilli ee ugu dambeysay.
Ku guuleystayaasha seddexleeyda 2022/23 ayaa si adag ku bilowday difaacashada horyaalka, iyagoo badiyay lixdii kulan ee ugu horeysay ka hor inta aysan guuldaro kala kulmin Wolves dhamaadkii Sebtember. Waxa ay sidoo kale lumiyeen kubadsameeyaha muhiimka ah Kevin De Bruyne isbuucii furitaanka, iyadoo Belgian uusan garoomada ku soo laaban ilaa horaanta Janaayo. Guuldaro soo daahday oo ka soo gaartay Arsenal ka hor fasaxii caalamiga ah ee October ayaa City ka saartay kaalinta kowaad waxayna xitaa ka hoos dhaceen Aston Villa iyada oo Gunners iyo Liverpool ay ku raaxaysanayeen kaalinta kowaad.
Afar kulan oo guul la'aan ah oo socday November ilaa December oo ay ku jirto guuldaradii Villa Park ayaa u muuqatay inay u gacan galisay hindise horyaalka kooxaha ay xafiiltamaan, laakiin City ma dhadhamin guuldarro tan iyo markaas. De Bruyne oo dib ugu soo laabtay taam ahaanshihiisa ayaa ka caawisay in ay dib u helaan xiriirkooda naxariis darada ah iyaga oo kaliya afar kulan oo kale bar-baro galay halka inta kale ay badiyeen.
Sababo la xiriira Manciity oo tartamo badan cayaareysay ,waxa ay aheyd hal ciyaar ka danbeysey kooxda Arsenal ilaa dhamaadkii cayaarta. Si kastaba ha ahaatee, cadaadiskaas dheeriga ah ayaan wax saameyn ah kuma yeelan kooxda heysata horyaalka, kuwaas oo badiyay sagaal kulan oo toos ah intii lagu jiray gababa gabadii horyaalka.
In kasta oo uu dhaleeceyn kala kulmayay geesaha qaar xilli ciyaareedkiisii labaad ee Etihad Stadium, Erling Haaland waxa uu ahaa shaqsi muhiim ah oo dhaliyay 27 gool halka saaxiibkii Phil Foden uu aruuriyay abaalmarino shaqsi ah maalmihii la soo dhaafay isaga oo uga mahadcelinaya ololihiisa quruxda badan.
De Bruyne ayaa wali laba nambar caawin sameeyay inkasta oo uu dhaawac ka walwalsan yahay, halka saxiixyadii xagaagii hore ee Josko Gvardiol, Mateo Kovacic iyo Jeremy Doku ay dhamaantood soo bandhigeen qaab ciyaareed.
https://www.footbool.net/Football News, Transfer News, League Tables & Opinion | 90min
