Xiddiga Bayern Munich Jamal Musiala ayaa xaqiijiyay inuu wadahadal la yeeshay saaxiibkiis ay isku dhow yihiin ee Joshua Zirzkee oo ku saabsan ku biirista Manchester United - laakiin labada xidig ayaa kaliya kaftamaayey.
Zirkzee ayaa 36.5 milyan oo ginni uga soo dhaqaaqay Bologna kuna biiray United intii lagu jiray suuqa kala iibsiga xagaagan ka dib labo xilli ciyaareed oo wanaagsan oo uu ka soo ciyaaray Italy, isagoo horay ugu soo biiray akadeemiyada Bayern.

23 jirka reer Holland ayaa 17 kulan u saftay kooxda weyn ka hor inta uusan u bixin kooxda cusub, waxaana uu weli saaxiibo dhow la yahay Musiala, kaasoo u soo dhalaalay Jarmalka Euro 2024 xagaagii.
Wax yar ka dib markii uu u saxiixay Red Devils, Zirkzee ayaa laga duubay muuqaal isagoo u soo jeedinaya taageerayaasha inuu isku dayay inuu ku qanciyo Musiala inuu kula midoobo Old Trafford.

Wareysi uu siiyay Welt am Sonntag, Musiala ayaa daaha ka qaaday in labada nin ay ka hadleen kubad sameeyaha Jarmalka ee Zirkzee ugu biiray Manchester - laakiin waxay ahayd nooca wadahadalka halkaas oo saaxiibo dhow ay ku kaftamaan inay isku koox ka ciyaaraan. "Mar walba waxaad la kaftamaysaa saaxiibbada, waxaadna ku riyoonaysaa inaad isla koox ka wada ciyaartaan maalin," ayuu yidhi Musiala. "Kaftanka ayaa labada dhinac u socda: sidoo kale waxaan u sheegay Josh inuu ku soo laabto Bayern, laakiin waa inaadan si dhab ah u qaadan."

Zirkzee ayaa dhaliyay hal gool seddex kulan oo uu u saftay United xilli ciyaareedkan, isagoo ka soo kacay kursiga keydka isagoo dhaliyay gool soo daahay oo ay ka gaareen Fulham maalintii furitaanka horyaalka Premier League. Si kastaba ha ahaatee, Red Devils ayaa tan iyo markaas guuldarrooyin kala kulantay Brighton & Hove Albion iyo Liverpool.

Dhanka kale, Musiala ayaa hal gool ka dhaliyay labadii kulan ee ugu horeysay Bundesliga uu la ciyaaray Bayern si uu u bilaabo xilli ciyaareedka 2024/25. Waxa si muran dhaliyay looga reebay 30-ka ciyaartoy ee u sharaxan abaal marinta Ballon d’Or horaantii todobaadkan inkasta oo uu qaab ciyaareed fiican ku soo bandhigay koox iyo wadankiisa sanadkii la soo dhaafay.

Mustaqbalka Musiala ee Bayern ee haatan ayaa su’aal laga keenay qandaraaskiisa 2026 walina wax heshiis ah lagama gaarin heshiis cusub.

Wixi warar ah ee ku saabskan kubada cagta waxaad kala socon kartaa halkaan maalin kasta iyo saacad kasta. https://www.footbool.net/ ama waxaad kaloo kala socon kartaan facebook bagekeen oo aan maalinkasta soo dhigno wixii warar ah ee ku saabsan kubbadda cagta. https://www.facebook.com/