Jadon Sancho ayaa lagu qasbay inuu dhimo mushaarkiisa si uu ugu fududeeyo ka dhaqaaqistiisa Manchester United kuna biiray Chelsea. (Fabrizio Romano)
Ben Chilwell ayaa weli laga yaabaa inuu ka tago Stamford Bridge xagaagan ka dib markii lala xiriiriyay inuu u dhaqaaqayo Fenerbahce. Halkaas waxa uu fursad u heli lahaa inuu la midoobo tababarihii hore ee Jose Mourinho. (Goal)
Erik ten Hag ayaa Antony iyo Christian Eriksen ka hor istaagay in ay ka tagaan Old Trafford maalintii ugu dambaysay kadib markii ay Real Betis la soo xiriirtay dalabyo amaah ah oo ay ku doonayso labada xiddig. (Daily Mail)
Si kastaba ha ahaatee, Anderlecht ayaa diyaar u ah inay u dhaqaaqdo ciyaaryahanka khadka dhexe ee Danishka, waxaana ay qorsheynayaan inay la xiriiraan United ka hor inta uusan xirmin suuqa kala iibsiga ciyaartoyda 6 September. (Het Belang van Limburg – Denmark)
Raheem Sterling ayaa sheegay in wadajirka Arsenal ay door ku lahaayeen maalintii ugu dambeysay ee uu uga soo wareegay Chelsea. (Arsenal)
Ciyaaryahanka heerka caalami ee dalka England ayaa sidoo kale lagu soo waramayaa inuu diiday dalab 650k ginni isbuucii ah oo uga yimid Saudi Pro League isagoo doorbiday inuu ku biiro kooxda ka dhisan waqooyiga London. (The Mirror)
Xiddiga kooxda Real Madrid ee Andriy Lunin ayaa la filayaa in uu si xor ah uga tago kooxda sanadka dambe kadib markii uu ku fashilmay in uu ka tago xagaagan. (AS – Spain)
Liverpool ayaa isku dayi doonta inay la soo wareegto lambar lix bisha Janaayo ka dib markii ay seegtay xagaagan. Reds ayaa ku dhawaatay saxiixa Martin Zubimendi ka hor inta uusan dooran inuu sii joogo Real Sociedad. (Football Insider )
Nico Williams ayaa shaaca ka qaaday in kooxo dhowr ah ay isku dayeen saxiixiisa xagaagan. Xiddiga reer Spain ayaa go’aansaday inuu iska sii joogo kooxda Athletic halkii uu u dhaqaaqi lahaa Barcelona. (Barca Universal)
Da’yarka reer Brazil ee Endrick ayaa laga yaabaa inuu ku fikiro inuu amaah uga tago Madrid bisha Janaayo haddii uu awoodi waayo inuu waqti ku qaato kooxda reer Spain. (AS – Spain)
West Ham ayaa isku diyaarinaysa inay dalab cusub ka gudbiso Jhon Duran bisha Janaayo, ka dib markii ay ku guuldareysatay inay ka xado Aston Villa xagaagan. (The Mirror)
Daafaca Arsenal Omar Rekik ayaa ka tagay kooxda ka dhisan waqooyiga London ka dib markii qandaraaskiisa si wadajir ah loo joojiyay Jimcihii. 22-sano jirkaan ayaa ku dhibtooday inuu ka mid noqdo kooxda koowaad wuxuuna xilli ciyaareedyo amaah ah ku soo qaatay Wigan Athletic iyo Sparta Rotterdam. (Fabrizio Romano)
Wixi warar ah ee ku saabskan kubada cagta waxaad kala socon kartaa halkaan maalin kasta iyo saacad kasta. https://www.footbool.net/ ama waxaad kaloo kala socon kartaan facebook bagekeen oo aan maalinkasta soo dhigno wixii warar ah ee ku saabsan kubbadda cagta. https://www.facebook.com/