Manuel Ugarte ayaa qirtay in mashruuca ay u soo bandhigtay Manchester United uu ku filan yahay inuu ku qanciyo inuu u dhaqaaqo Old Trafford xagaagan. United ayaa xagaagii oo dhan ceyrsanaysay Ugarte laakiin waxay u muuqatay in ay ka baxday heshiiskii ay Paris Saint-Germain ku diiday in ay dhinto ayagoo doonayey qiimihii ay ku soo iibsadeen, laakiin wadahadalo ayay dib u soo celiyeen markii Scott McTominay in uu ka tagayo kooxda la isku afgartay.

Heshiis ku kacaya €60m (£50.6m) ayaa lagu heshiiyey maalintii ugu dambeysay suuqa iyadoo Ugarte uu markii dambe sharaxay sababta rabitaankiisa ku biirista United uu aad u xooganaa xagaagan.
Waxa uu u sheegay warbaahinta kooxda: “Waa dareen cajiib ah in aan ku biiro koox heerkan le’eg, waana mid aduunka oo dhan laga majeerto. Mashruuca ay madaxda kubbada cagta igala hadleen waa mid aad u xiiso badan, Manchester United waa koox hami leh, aniguna waxaan ahay ciyaaryahan hami leh.

“Xamaasadda taageerayaashu waa wax aad muhiim iigu ah, waan ogahay sida ay taageerayaasha United u yihiin kuwa cajiibka ah, mana sugi karo inaan khibrad u yeesho Old Trafford, waxaan ahay qof ay ka go’an tahay inuu guulaysto, waxaan u huri doonaa wax walba oo aan siin doono saaxiibadeyda kooxda. Si wada jir ah ayaan u dagaalami doonaa si aan koobab ugu guuleysano, una gaarno heerka ay kooxdani u baahan tahay.”
Wariyayaasha ka faalooda ciyaaraha Jacob Culshaw iyo Scott Saunders waxaa ku biiray khabiirka kubbada cagta France iyo taageeraha PSG ee Alexis Amsellem sida Manuel Ugarte uu ugu haboonaan yahey Manchester United iyagoo sheegay in xidigaan uu kabada ku dagaalamo oo markastana ku guuleysto kubada khadka dhexe waana booska ay United way sandeed oo khad keeda dhexe iska furnaa sanadahaan dambe.
Agaasimaha Sporting Dan Ashworth ayaa intaa ku daray: “Saxiixa Manuel waxa uu ahaa bartilmaameedyadayada aasaasiga ah ee xagaagan. Waxa uu ka mid yahay ciyaartoyda khadka dhexe ee ugu fiican ee ku guulaysta kubbada, wuxuuna leeyahay rikoor fiican oo heer kooxeed iyo heer caalami ah. Tayadiisa, khibradiisa iyo xamaasadu waxay noqon doontaa mid si weyn u kabo kooxdayada adag ee khadka dhexe. “Manuel waa ciyaaryahan aan si dhow u daawanay, waxaana ku faraxsanahay inaan aragno saameynta wanaagsan ee uu ku sameyn doono garoonka iyo qolka labiska inta aan sii wadno dadaalka aan ugu jirno guulaha”. Ka hor inta aan heshiiska lagu dhawaaqin, maamule Erik ten Hag ayaa si cad u sheegay qorshihiisa Ugarte ee isku dhafka United.

“Waxaan qabaa inuu aad ugu fiican yahay Manchester United,” ayuu u sheegay Sky Sports “Waxaan u maleynayaa inuu aad ugu fiican yahay kooxdan sababtoo ah kooxdan waxay u baahan tahay xidig tayadaas oo kale leh.
“Waa ciyaaryahan geesi ah, sidaas darteed runtii aad ayaan u faraxsanaan doonaa, waxaan hubaa inuu runtii gacan ka geysan doono guulaheena”.

Wixi warar ah ee ku saabskan kubada cagta waxaad kala socon kartaa halkaan maalin kasta iyo saacad kasta. https://www.footbool.net/ ama waxaad kaloo kala socon kartaan facebook bagekeen oo aan maalinkasta soo dhigno wixii warar ah ee ku saabsan kubbadda cagta. https://www.facebook.com/