Erik ten Hag ayaa ka warbixiyay saddex dhaawac oo cusub oo soo gaaracey cayaartoydiisa ka dib markii Manchester United ay si xun u garaacday Liverpool ciyaar saaxiibtinimo oo ah isdiyaarinta xilli ciyaareedka cusub. Red Devils ayaa fursado badan ka abuurtay laakiin waxa ay ku guuldareysteen iyada oo Fabio Carvalho, Curtis Jones iyo Kostas Tsimikas ay dhamaantood ay ka dhaliyeen goolal.
United, oo ay hore uga maqnaayeen daafacyada Leny Yoro iyo weeraryahan Rasmus Hojlund, ayaa waxaa ku dhacay seddex dhaawac iyadoo Aaron Wan-Bissaka, Victor Lindelof iyo Jonny Evans ay dhamaantood loo saaray dhaawac waqtiyo kala duwan.

Isagoo hadlayay ciyaarta ka dib, Ten Hag ayaa u sheegay MUTV: “Mar walba, waa inaan aragnaa waxa dhacay."Qiimeynta, dabcan waa dhaawac saameyn leh, sidoo kale waa inaan bedelnay Jonny Evans waqtigii nasashada sababtoo ah wuxuu dareemay xanuun. Victor Lindelof waxaa uu dareemayey xanuun. Markaa, haa, waxaa jira dhaawacyo qaar, laakiin waa inaan aragnaa sida ay u xun tahay."

Ka hor inta uusan bilaaban ciyaarta, tababaraha reer Holland ayaa daaha ka qaaday: “cayaaraha Xilli ciyaareedka ka horeeya mar walba waa adag yahay, laakiin, haa, Harry Maguire, si aan oga taxadarno ayaan uga tagnay isaga.
“Dabcan dhaawacyo ayaa na soo gaaray, laakiin taasi waa qeyb ka mid ah kubada cagta kooxda, waa inaan horumarinaa kooxdeena oo aan sameynaa horumar wanaagsan”.

Waxaa jiray walaac laga qabay Marcus Rashford ka dib markii laga saaray kulankii ay guusha ka gaareen Real Betis laakiin xiddiga heerka caalami ee dalka England ayaa taam u ahaa inuu ciyaaro 45-daqiiqo ee ugu horeysay weerarka kaasoo ay ku jiraan Jadon Sancho, Mason Mount iyo Amad Diallo.

Antony ayaa sidoo kale ka soo muuqdo kursiga keydka, iyadoo xiddigaha sare Scott McTominay iyo Christian Eriksen ay daqiiqado bedel ku soo galeen.
Guuldarada ayaa soo gabagabaysay safarkii United ee Maraykanka, iyagoo guul ka soo gaadhay Betis ka dib markii ay guuldaro kala kulmeen kooxda Premier League ee Arsenal. Waxay ku soo xigtaa ciyaar ka tirsan Community Shield oo ay la ciyaarayaan  Manchester City.


Wixi warar ah ee ku saabskan  kubada cagta waxaad kala socon kartaa halkaan maalin kasta iyo saacad kasta. https://www.footbool.net/ ama waxaad kaloo kala socon kartaan facebook bagekeen oo aan maalinkasta soo dhigno wixii warar ah ee ku saabsan kubbadda cagta. https://www.facebook.com/