Xiddiga reer Spain ee Dani Olmo ayaa soo saaray fariinta suuqa kala iibsiga kadib markii lala xiriiriyay kooxo badan oo Premier League ah isaga oo daaha ka qaaday in ay wali jirto wakhti lagu burburin karo heshiiskiisa.
Xiddiga RB Leipzig Olmo ayaa xiiso ka helaya kooxo badan oo Yurub ah xagaagan ka dib markii uu wacdaro ka dhigay heer caalami ee Euro 2024. Arsenal, Manchester City iyo Liverpool ayaa dhamaantood lala xiriirinayay ciyaaryahanka khadka dhexe, laakiin waa iney marka hore bixiyaaan 50 milyan ginni oo lagu burburin karo qandaraaskiisa. hadii ay doonayaan in laga kaxeeyo Bundesliga. Olmo ayaa u xaqiijiyay kuwa doonaya in ay wali u dhaqaaqi karaan ilaa 20ka Luulyo, markaas ka dib qodobkiisa aan la sii shaqeyn karin, wuxuuna ku adkeystay inuu doonayo inuu ku guuleysto koobab xilli ciyaareedka soo socda. “Haddii kooxuhu ay i rabaan, way garanayaan waxa ay samayn karaan,” ayuu u sheegay El Larguero. “Waxaa jira waqti ilaa 20ka Luulyo lagu gaari karo heshiis haddii kale hadhow waxay noqon doontaa wada xaajood adag, waxaan qandaraas kula jiraa Leipzig, waxaana doonayaa inaan koobab ku guuleysto. “Walaac kama qabo, waxaan haystaa wakiiladeyda oo wax walba ka shaqeya, wax badan ayaan rabaa in aan qabto Eurohaan sidaas daraadeed kama fikiro waxyaabo kale, gaar ahaan hadda finalka ayaa soo socda, wax kale kuma hayo maskaxdayda. “Dadka aan ku kalsoonahay waxay hore u garanayeen fikradayda iyo waxa aan doonayo inaan sameeyo, taasi waa waxa kaliya ee muhiimka ah, waxa kaliya ee aan doonayo waa inaan guuleysto oo aan sii wado guuleysiga, waxaan sheegay markii aan cusbooneysiiyay qandaraaskeyga, waxay doonayeen inay sameeyaan mashruuc guul leh iyo waa sababta aan u cusbooneysiiyay waxaan doonayaa inaan ku guuleysto koobab." Saxafiga Sky Sports Gianluca Di Marzio ayaa si maldahan u sheegay in City ay ku horeyso tartanka loogu jiro saxiixiisa xagaagan, isagoo soo wariyay in kooxda Pep Guardiola ay hiigsan doonto inay soo gabagabeyso heshiskiiska 16ka Luulyo.
Si kastaba ha ahaatee, Olmo ayaa marka hore ciyaaraya finalka Euro 2024 oo ay maanta Axada la ciyaari doonaan England oo la filayo inuu ku soo bilowdo.
wixii warar ah ee ku saabskan cayaaraha kubada cagta waxaad kala socon kartaan halkaan maalin kasta iyo saacad kasta. https://www.footbool.net/ ama waxaad kaloo kala socon kartaan facebook bagekeen oo aan maalinkasta soo dhigno wixii warar ah ee ku saabsankan kubada cagta. https://www.facebook.com/
