Mason Greenwood ayaa xaqiijiyay inuu ku laaban doono Manchester United ka dib markii ay dhamaatay amaahdii uu kula joogay Getafe. Greenwood, oo 22 jir ah, ayaa amaah ugu biiray Getafe xagaagii hore ka dib markii United ay aqbashay inuu ku soo laabto oo ka sii cayaaro Old Trafford ka dib markii la tuuray eedeymaha kufsiga iyo weerarka ka dhanka ah. Saraakiisha Getafe ayaa si cad u qirtay xiisahooda ku aaddan sii haynta Greenwood, si joogto ah ama amaah dheerad ah, laakiin weeraryahanka ayaa hadda xaqiijiyay in waqtigiisii kooxda uu dhamaaday. Wuxuuna yiri sida tan: “Waxaan si cajiib ah ugu mahadcelinayaa qoyska Getafe iyo taageerayaasha xilli ciyaareed cajiib ah,” ayuu ku soo qoray baraha bulshada. “Waad ku mahadsantihiin inaad i dareensiiseen soo dhaweyn iyo mid idinka mid ah, waxaan ku riyaaqay ilbiriqsi kasta, anigoo garab taagan asxaabtayda iyo kooxda. “Dhammaad macaan oo qadhaadh, laakiin waxay ahayd farxad inaan kuu ciyaaro halkaan waxaan idin rajeynayaa wanaag oo dhan.” Sannadkii Greenwood ee Spain wuxuu dhaliyay toban gool iyo lix caawin 36 kulan oo uu saftay tartamada oo dhan. Greenwood ayaa ku soo laabtay United iyadoo ay ka harsan tahay 12 bilood qandaraaskiisa oo uu kula jiro kooxdiisa Man united. Milkiilaha cusub Sir Jim Ratcliffe ayaan wali meesha ka saarin in weeraryahanka uu dib ugu soo biirayo kooxda United, in kasta oo ay warbixinadu soo jeedinayaan in mudnaanta ay tahay in laga saaro Greenwood si joogto ah xagaagan. Warbixinadii hore ayaa sheegayay in United ay ku qiimeysay Greenwood ku dhawaad 40 milyan ginni waana qiimo aad ugu sareysa in ay bixiso kooxda uu hada la joogo Getafe iyo kooxo badan oo Premier League ah oo aan la magacaabin ayaa la rumeysan yahay inay wax ka weydiiyeen qiimaha lagu heli laacibkaan. Getafe waxay xaq u leedahay inay qayb ka qaadato iib kasta oo mustaqbalka ah, iyadoo United ay ogolaatay qodobkan oo kale si ay uga caawiso inay ku qanciso kooxda Isbaanishka inay qaadato khatarta ah inay amaah ku shaqaaleysato Greenwood xagaagii hore.
Wixii aad u baahan tihiin oo ku saabsan cayaaraha kala socda webkaan 24 saac gudahooda.
Wargeyska sports footbool.net Football News, Transfer News, League Tables & Opinion | 90min