Guuldarii Axaddii ka dhacay kulanka Manchester Derby ayaa ahaa kulankii 11-aad ee Man Utd ay guul daro soo gaarto Premier League xilli ciyaareedkaan waxaana ay 11 dhibcood ka dambeeyaan kooxda Aston Villa oo kaalinta afraad ku jirta iyo lix dhibcood kooxda ku jirta booska shanaad ee Tottenham, oo gacanta ku haysa kulan; Gary Neville ayaa aaminsan in Erik ten Hag uu wajahayo “daqiiqad xaq ah”
Kadib markii ay goor hore kasoo hareen Champions League iyo isku day liita oo difaac ah ay ku soo baxeen koobka Carabao, fursadda kaliya ee United ay ku soo badbaadin karto waqtiga xun ay ku jiraan waa ku guuleysiga koobka FA Cup. Kooxda liverpool ayaa iska hor imaaneysa ciyaarta rubuc finalka.
Isagoo la hadlaya warbaahinta, Neville wuxuu dareensan yahay in kooxdiisii hore ay dib u dhac ku sameeyeen tan iyo xilli ciyaareedkii la soo dhaafay taasoo ka dhigi doonta in kooxda INEOS ee milkiilaha cusub ee Sir Jim Ratcliffe ay shaki galin doonto haddii Ten Hag uu noqdo qofka ku haboon shaqada.
“Xilli ciyaareedkii lasoo dhaafay runtii wuu ficnaa marka loo eego dareenka ah in uu koob ku guuleysto, Una soo baxaan Champions League, iyo aadista finalka koobka FA Cup. Waxaa jiray waxyaabo badan oo wanaagsan oo ku saabsan xilli ciyaareedkii la soo dhaafay marka la eego aasaaska Erik ten Hag,” Neville ayaa yiri. Waxaan filaneyney xilli ciyaareedkaan, inaanan ku guuleysano horyaalka maadaama aysan jirin rajo weyneyd in Manchester United in ay horyaalka ku guuleystaan, laakin ma aysan fileynin iney lixaad iyo aad uga fogaadaan.
“Marka waxaan u malaynayaa in taasi tahay dhibaatada. 11 kulan oo horyaalka ah ayaa laga adkaadey horyaalka waana mid aan la isku waafaqsaneyn qaab ciyaareedkooda, maadaama taasi ay tahay maxaa dhacaya xilli ciyaareedkii labaad? Ma wuxuu u baahan yahay mid saddexaad si uu u helo waqti uu wax ku saxo? “Mise dhab ahaantii, kani waa waxa u asaga yahey ? Taasi waa caqabadaha Jim Ratcliffe iyo INEOS yeelan doonaan, xaggee ayey u sii jiheyn doonaan safarkan? Ma waxaan u socdaa jidka saxda ah?”
United ayaa badisay afar kulan oo xiriir ah Horyaalka Premier League si ay sare ugu qaado rajadooda ah in ay u soo baxaan koobabka yurub laakiin guuldaro 2-1 ah oo ay Fulham kaga adkaadeen Old Trafford ayaa waxay waayeen hamigii ahaa in ay soo qabtaan kooxaha ka sarreeya.
Kadib ciyaarihii horyaalka ay la dheeli doonaan Everton iyo Brentford iyo kulanka afar-dhamaadka ee FA Cup-ka oo ay Liverpool ay la cayaari doonaan, kooxda Ten Hag ayaa u safri doonta Chelsea ka hor inta aysan mar kale marti galin kooxda Jurgen Klopp 7-da April.
“Isbuucii lasoo dhaafay kulankii ay Fulham la kulantay waxaa ka dhib badnaa ciyaartii ay la ciyaareen City. waxay u badanaayeen in ay badiyaan oo ay dhamaato guuldaro sii socotey. Villa waxay la ciyaareysaa Spurs isbuuca soo socda sidaa daraadeed hal ama labaduba ayaa dhibco dhumin doono ,” ayuu yiri kabtankii hore ee United.
“United way isku soo dhawaan kartaa, walina waxaan u maleynayaa inay jirto wado dheer oo la aadi karo. Kaddib ciyaarihii heerka caalami ee march, waxaa jira fursad halka Villa iyo Spurs ay shaqo qabteen sidaas darteed waxaa jirta rajo oo ah dhanka United.